Yuxarı

Ermənilər balabanı təbliğ edir, bizdə isə…

Ana səhifə Kult Musiqi
12 Punto 14 Punto 16 Punto 18 Punto
Ermənilər balabanı təbliğ edir, bizdə isə…

Nazirlər Kabinetinin qərarı ilə bu il ali təhsil müəssisələrinin bakalavr pilləsi üzrə bir sıra ixtisasların qəbulu ləğv olunub. Qəbulu ləğv olunan ixtisaslar arasında V ixtisas qrupuna daxil olan və Azərbaycan Milli Konservatoriyasında qəbulu həyata keçirilən xalq çalğı alətləri ixtisası da var. Bu ixtisasda qədim musiqi alətimiz olan balabanın da tədrisi aparılır. Ermənilərin balaban istehsal edən zavod yaratdığı və onun dünyaya satışını həyata keçirərək, öz milli musiqi aləti kimi geniş təbliğ etdikləri zamanda bu ixtisasa qəbulun dayandırılması isə ictimaiyyətdə birmənalı qarşılanmayıb.

Məsələ ilə bağlı Kult.az-a açıqlamasında təhsil eksperti Kamran Əsədov balaban və digər musiqi alətlərinin tədrisinin ona yaxın olan digər ixtisaslarda da həyata keçirilməli olduğunu deyib.

“Nazirlər Kabineti tərəfindən ali təhsil müəssisələrində kadr hazırlığı həyata keçirilən bir sıra ixtisasların adları Avropa universitetlərinin təcrübəsinə uyğun müasirləşdirilib və dar ixtisaslaşmanı əhatə edən bir neçə uyğun ixtisaslar birləşdirilib. Yəni hazırda ali təhsil müəssisələrində bir-birini təkrar edən yaxın ixtisaslar var. Onların ayrı-ayrı ad altında fəaliyyət göstərməsi məqsədəuyğun deyil. Müasir tələbata uyğun olmayan ixtisaslar təsnifatdan çıxarılıb və əmək bazarının tələbatına uyğun bir sıra yeni ixtisaslar əlavə edilib. Ümumilikdə, təsnifatın yenilənməsində əsas məqsəd beynəlxalq təcrübəyə və müasir əmək bazarının tələblərinə uyğun yeni məzmunlu təhsil proqramlarının hazırlanması və ali təhsil müəssisələrində tətbiqindən ibarətdir. Amma hesab edirəm ki, bir sıra ixtisaslar tarixi, milli mənafe baxımından əmək bazarında az ehtiyac olsa belə saxlanılmalıdır. Çünki bizim yerləşdiyimiz coğrafi mövqe bunu tələb edir. Dediyim kimi, ləğv olunan bir sıra ixtisaslar yaxın olan digər ixtisaslara birləşəcəklər. Konkret olaraq xalq çalğı alətlərinin tərkibində tədris olunanlar instrumental ifaçılıq və ya xoreoqrafiya ixtisasının daxilində olacağını düşünürəm. Amma bir çox xalq çalğı alətlərimiz bizim milli tariximiz, sərvətimizdir. Onların tədrisini ləğv etmək olmaz”.

Azərbaycan Milli Konservatoriyasından verilən açıqlamada isə xalq çalğı alətləri ixtisasına qəbulun dayandırılması ilə bağlı qərardan məlumatsız olduqları bildirilib.

Tarix
2019.02.13 / 17:19
Müəllif
Nərmin Əkbərli
Digər xəbərlər

Kvrivişvili İlham Əliyevlə görüşündən danışdı

Çaylarla bağlı məsələni Bakı ilə danışmalıyıq - Paşinyan

Azərbaycan və Gürcüstan hərbi əməkdaşlığı müzakirə etdi

Paşinyan Azərbaycanla delimitasiya prosesindən danışdı

Bakı Bəyannaməsi BMT-nin rəsmi sənədi kimi yayıldı

Szinpin buna görə Putini şəxsən qarşılamadı

Bu, ölkəmizin Avropa üçün önəmini təsdiqləyir

Prezident Oman Sultanını təbrik etdi

İlham Əliyev latviyalı həmkarını təbrik etdi

Bakı ilə İrəvan arasındakı sülh prosesi... – Gülər

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla