İctimai Televiziya və Radio Yayımları Şirkəti İTV “Talpa Global B.V” şirkəti ilə əməkdaşlıq müqaviləsi imzalayıb.

Bu barədə Kult.az-a qurumun İctimaiyyətlə Əlaqələr Şöbəsindən məlumat verilib. Bildirilib ki, sənədə əsasən, şirkətin əsas layihəsi “Səs” yeni mövsümdən etibarən İTV-də yayımlanacaq.

Müsabiqəyə ilk olaraq uşaqlarla start veriləcək. Özünü bu səhnədə görmək istəyənlər öncə qeydiyyatdan keçəcəklər. Uyğun sayılan iştirakçı seçim mərhələsinə dəvət ediləcək və məharətini münsiflər heyətinə göstərməyə çalışacaq.

Daha sonra isə eyni qayda əsasında böyüklərin yarışı start götürəcək.

Telelayihədə iştiraka dair kastinq və digər məlumatlar haqqında yaxın günlərdə ictimaiyyətə ətraflı məlumat veriləcək.

Qeyd edək ki, “Talpa Global B.V” “Səs” (The voice) kimi yüzlərlə tamaşaçı auditoriyası olan məşhur mahnı müsabiqəsinin müəllifidir.