Azərbaycan əsilli britaniyalı məşhur müğənni Sami Yusifin görkəmli şair, mütəfəkkir İmadəddin Nəsiminin “Sığmazam” qəzəli əsasında hazırladığı yeddi dəqiqəlik kompozisiyası Yutub sosial şəbəkəsində böyük maraqla qarşılanıb.

Kult.az xəbər verir ki, cəmi 3 gündür Sami Yusifin Yutub kanalına yerləşdirilən video artıq 730 min baxış toplayıb.

Sözügedən kompozisiya hazırda yerli trend videolar siyahısında birinci sıradadır.

Qeyd edək ki, iyulun 30-da Bakıda Heydər Əliyev Mərkəzində keçirilən UNESKO-nun Ümumdünya İrs Komitəsinin 43-cü sessiyasının açılış mərasimində Azərbaycan əsilli müğənni Sami Yusifin görkəmli şair, mütəfəkkir İmadəddin Nəsiminin “Sığmazam” qəzəli əsasında yeddi dəqiqəlik kompozisiya səsləndirilib. Sami Yusif həmin kompozisiyanı sentyabrında 9-da öz Yutub kanalında paylaşdıqdan sonra bu ifa böyük rezonans doğurub.