Bir neçə gündür sosial şəbəkələrdə İçərişəhərdəki rəqslə gündəmə gələn rusiyalı aktrisa Hilda Karmen və model Viktor Mixaylov Azərbaycana təşəkkür edib.

Kult.az xəbər verir ki, Viktor Mixaylov sözügedən rəqsin sosial şəbəkələrdə yayılmasından sonra İnstaqram vasitəsilə Azərbaycana salam göndərib:

“Son hadisələrin fonunda və Bakıda İçərişəhərdəki rəqsimizin yaratdığı effektdən sonra Azərbaycandakı izləyicilərə demək istəyirəm ki, “Salam, Azərbaycan””.

Hilda Karmen də İnstaqram səhifəsində Azərbaycan dilində paylaşım edərək azərbaycanlılardan gələn səmimi mesajlara görə çox sevindiyini bildirib:

“Salam! İsti mesajlara görə təşəkkür edirəm. Hər şeyi oxudum və mümkün olduqca, hamıya cavab verəcəm. Hələ də çox sayda abunəçi, jurnalistlərdən gələn mesajlar və məktublar, yumşaq desək, şoka salıb. Mən yalnız bir şey deyəcəyəm - hamınızı görməyə şadam! Siz məni daha da xoşbəxt edirsiniz!”

Qeyd edək ki, rusiyalı aktrisa Hilda Karmen və model Viktor Mixaylovun İçərişəhərdə “La-La-Lend” filmindən epizodu canlandırması ilə gündəmə gəlmişdilər. Sözügedən video qısa zamanda '”Bakukulend'” həştəqi ilə minlərlə insan tərəfindən paylaşılmışdı.