Türkiyəli məşhur rejissor və ssenarist Çağan İrmaq bir layihə çərçivəsində öz film musiqilərini aktyor dostları ilə birlikdə səsləndirəcək.

Axar.az xəbər verir ki, pianoçu və bəstəkar Səbri Tuluğ Tırpanın musiqi dirijorluğu ilə təşkil ediləcək konsertdə rejissorun sənətçi dostları da oxuyacağı mahnılarla Çağan İrmağa yoldaşlıq edəcəklər.

Rejissorun indiyə qədər filmlərində və seriallarında səsləndirilən "Son arzum", "Sevdim", "Mənə yalan söylədilər", "Anlamazdın" kimi mahnıları Məltəm Cumbul, Camal Hünal, Gökçə Bahadır, Halil Sezai kimi aktyorlar ifa edəcək.

Konsert martın 3-də "İş-sənət" konsert salonunda baş tutacaq.