Rusiyanın "Birinci kanal"ının "Uşaqların səsi" layihəsində finala yüksələn Azər Nəsibov final şousunda italiyalı opera ifaçısı Enriko Karuzoya həsr olunmuş mahnını səsləndirib.

Axar.az xəbər verir ki, Nəsibov Taisiya Podqornaya və Vsevolod Rudakovla birgə Pelaqeyin komandasında çıxış edib.

Televiziya tamaşaçılarının səsverməsindən sonra Nəsibov super finala yüksələ bilməyib. Pelaqeyin komandasından yalnızca Taisiya Podqornaya super finala adlayıb.

"Valideynlərimə, Pelaqeyə, Dima Bilana və Leonid Aqutinə təşəkkür edirəm. Çox sağol, Azərbaycan, səni sevirəm!", - Nəsibov deyib.

Qeyd edək ki, A.Nəsibov aprelin 25-də finala yüksəlmişdi.