23:35

Stokholmun "Globe" arenasında Avroviziya-2016 mahnı müsabiqəsinin ikinci yarımfinalı keçirilir.

Axar.az xəbər verir ki, ikinci yarımfinal günündə 18 ölkə final uğrunda mübarizə aparır. Yarımfinalda Latviya, Polşa, İsveçrə, İsrail, Belarus, Serbiya, İrlandiya, Makedoniya, Litva, Avstraliya, Sloveniya, Bolqarıstan, Danimarka, Ukrayna, Norveç, Gürcüstan, Albaniya və Belçikanın nümayəndələri çıxış edirlər.

Çıxışlardan sonra keçiriləcək 15 dəqiqəlik səsvermənin nəticələrinə əsasən, finala daha çox səs toplamış 10 ölkə vəsiqə qazanacaq.

Beləliklə, mayın 14-də keçiriləcək final mərhələsinin bütün iştirakçıları məlum olacaq.

Azərbaycanı Avroviziya-2016 mahnı müsabiqəsində "Miracle" mahnısı ilə təmsil edən Səmra Rəhimli mayın 10-da birinci yarımfinalda çıxış edərək finala vəsiqə qazanıb.

Finala birbaşa vəsiqə qazanan ölkələr - müsabiqənin builki ev sahibi İsveç və "böyük beşlik" ölkələri - Fransa, İtaliya, Almaniya, İspaniya, Böyük Britaniyadır.

01:27

Bu gün İsveçdə keçirilən "Avroviziya-2016"nın ikinci yarımfinal mərhələsində finalçıların adları bəlli olub.

Axar.az xəbər verir ki, finala yüksələn 10 ölkənin adı belədir:

Latviya, Gürcüstan, Bolqarıstan, Avstraliya, Ukrayna, Serbiya, Polşa, İsrail, Litva və Belçika.