Uzun müddətdir ki, maraqla gözlənilən "Qravitasiya" adlı konsert baş tutub.

Axar.az xəbər verir ki, "Kempinski" oteldə baş tutan konsertdə sənətçinin fanatları ilə yanaşı, sənət yoldaşları və yaxınları da iştirak edib.

Orxan Zeynallı yeni "Qravitasiya" albomundan olan bəzi trekləri dinləyicilərinə ilk dəfə bu xüsusi gündə təqdim edib.

Yüzlərlə pərəstişkarın müşayiəti ilə keçirilən möhtəşəm konsert zamanı Orxan Zeynallı köhnə mahnıları canlı orkestrın müşayiəti ilə səsləndirib.

Konsert iki mərhələli keçirilib: ilk yarısında yeni albomdan olan parçalar, ikinci hissədə isə Orxan Zeynallının ən çox sevilən köhnə mahnıları dinləyicilərlə birlikdə ayaüstə oxunub.

Konsertin ikinci hissəsində reperin yeni klipi təqdim olunub.

Konsertdə Orxan Zeynallı ilə birlikdə keçmiş H.O.S.T qrupunun digər üzvü PRoMete, Tomris, Vlada Axundova, Dilarə Kazımova və Mərdan Kazımov da çıxış etdi.