Azərbaycan Dövlət Musiqili Teatrının aktrisası Aydan Həsənova ölkəmizi beynəlxalq müsabiqədə uğurla təmsil edib.

Teatrdan Axar.az-a verilən məlumata görə, gənc aktrisa Aydan Həsənova 16-21 may tarixlərində Yekaterinburqda keçirilən SSRİ xalq artisti Vladimir Kuroçkin adına Gənc Operetta və Müzikl Artistlərinin VI Beynəlxalq müsabiqəsində 3-cü yeri tutub.

Finalda dahi Azərbaycan bəstəkarı Üzeyir Hacıbəylinin ölməz "Arşın mal alan" əsərindən Gülçöhrənin ariyasını ifa edən Aydan Həsənovanın çıxışı böyük maraqla qarşılanıb.

Qeyd edək ki, müsabiqə Rusiya Federasiyası Mədəniyyət Nazirliyi, Rusiya Teatr Xadimləri İttifaqı, Musiqili Teatrların Beynəlxalq Assosiasyasının təşkilatçılığı ilə baş tutub.