Əvvəllər bayramla əlaqəli əhəmiyyətli tədbirlərə dəvət edilirdik.

Bu sözləri Axar.az-ın 28 May - Respublika Günü münasibətilə hansısa tədbirə dəvət alıb-almadığı ilə bağlı sualı cavablandırarkən əməkdar artist Əli Mirəliyev deyib.

Əməkdar artist heç bir tədbirə dəvət edilmədiyini bildirib:

"Əvvəllər bayramla əlaqəli əhəmiyyətli tədbirlərə dəvət edilirdik. Amma uzun müddətdir ki, olmur. Faiq Ağayev kimi, Səməd Səmədov kimi müğənniləri hər yerə dəvət edirlər. Biz xalqın müğənnisiyik, bizi xalq sevir".

Əməkdar artist Baloğlan Əşrəfov tədbirə dəvət olunsa da, gedə bilməyib:

"Bu gün Biləcəridən və bir neçə başqa yerdən bayramla bağlı dəvətlər aldım. Amma hazırda Bakıda olmadığım üçün təəssüf ki, heç birində iştirak edə bilməyəcəyəm".

Müğənni Murad Arif konsertdə iştirak edəcəyini deyib:

"Bu gün axşam ANS TV-nin 28 May - Respublika Günü ilə bağlı təşkil etdiyi konsertdə iştirak edəcəyəm".

Əməkdar artist Elnarə Abdullayeva xaricdə olduğu üçün tədbirlərdə iştirak edə bilməyəcək:

"Həmişə dövlət əhəmiyyətli tədbirlərdə iştirak edirəm. Amma bu il edə bilməyəcəyəm. Çünki işlərimlə əlaqədar xaricdəyəm".