09:40

Rusiya ordusu gecə saatlarında Kiyevə raket və PUA zərbələri endirib.

Axar.az xəbər verir ki, bunu Kiyev şəhər hərbi administrasiyasının rəhbəri Timur Tkaçenko deyib.

Onun sözlərinə görə, zərbələr nəticəsində 6 nəfər ölüb, 50-dən çox sakin yaralanıb.

Qeyd edək ki, ən çox Svyatoşinsk və Solomensk rayonları zərər çəkib.

***

Rusiyanın Ukraynanın paytaxtı Kiyevə hava zərbələri nəticəsində həlak olanların sayı artıb.

Bu barədə Kiyev Şəhər Hərbi Administrasiyasının rəhbəri Timur Tkaçenko məlumat yayıb.

O bildirib ki, hücum nəticəsində 124 nəfərin yaralanıb, 8 nəfər isə həlak olub:

“Ölənlərdən 1-i, yaralananlardan isə 10-u uşaqdır. Yaralılara lazımi yardım göstərilir. Xilasetmə əməliyyatı davam edir”.

***

Rusiyanın Kiyevə raket zərbələri endirməsi nəticəsində ölənlərin sayı 11-ə çatıb.

Bu barədə Ukraynanın Fövqəladə Hallar üzrə Dövlət Xidməti məlumat yayıb.

Yaralıların sayı isə 135-ə yüksəlib.

Xilasetmə işləri davam etdirilir.

***

Kiyevə hücumlar nəticəsində ölənlərin sayı 15-ə çatıb.

Bu barədə Kiyev şəhər Hərbi Administrasiyasının rəhbəri Timur Tkaçenko məlumat verib.

Yaralıların sayı isə 145-ə yüksəlib.