İran beynəlxalq ictimaiyyətlə nüvə danışıqlarını bərpa etməsə, Fransa, Böyük Britaniya və Almaniya bu ölkəyə yenidən sanksiyalar tətbiq etməyə hazırdır.

Axar.az xəbər verir ki, bu barədə “Faynənşl Tayms” məlumat yayıb.

Məlumata görə, Fransa xarici işlər naziri Jan Noel Barro, Almaniya xarici işlər naziri Yohann Vadeful və Böyük Britaniya xarici işlər naziri Devid Lemmi BMT Baş katibi Antonio Quterreşə məktub ünvanlayıblar:

“Biz açıq şəkildə bildirmişik ki, əgər İran 2025-ci ilin avqust ayının sonunadək diplomatik həll yoluna gəlmək istəməsə və ya mümkün uzadılma fürsətindən istifadə etməsə, sanksiyaların avtomatik olaraq bərpa olunması mexanizmi işə salınacaq”.