Rusiya donanması Qara dənizdə Ukraynanın hücumları və Suriyadakı əsas limanı itirməsi səbəbindən ciddi gərginlik yaşayır.

Axar.az xəbər verir ki, bu barədə “Business İnsayder”ə yüksək vəzifəli Niderland komandiri Arjen Varnaar məlumat verib.

Qeyd olunur ki, bu yaxınlardakı uğursuzluqlar Aralıq dənizindən Arktikaya qədər Rusiya donanmasına ciddi təsir göstərib.

Bildirilir ki, Rusiya donanması həmişə gəmiqayırma, texniki xidmət və modernləşdirmə məhdudiyyətləri, yenidən yerləşdirmə çətinlikləri və əməliyyat gərginliyi səbəbindən müəyyən yük altında olub. Lakin son uğursuzluqlar donanmanın yükünü daha da artırıb. Rusiyanın sarsıdıcı itkiləri və Ukraynanın amansız zərbələri qarşısında məcburi geri çəkilməsi donanmanı tükəndirib, köhnəlmiş gəmilər təmirə ehtiyac duyur, gəmiqayırma sənayesi isə onları əvəz edəcək yeni gəmilər istehsal etmək üçün həddindən artıq yüklənib.