Britaniya diplomatları növbəti Ağ Ev qalmaqalından qaçmaq üçün ABŞ Prezidenti Donald Trampla görüşündən əvvəl Ukrayna Prezidenti Vladimir Zelenskiyə təlim keçir.

Axar.az xəbər verir ki, bu barədə “Bild” nəşri yazıb.

“Donald Tramp və Vladimir Zelenski arasında Ağ Evdə son görüş tarixi qalmaqalla başa çatdı. İndi London Ukrayna prezidentini Trampla çətin danışıqlara hazırlayır. Bunda əsas rolu keçmiş baş nazir Toni Blerin keçmiş aparat rəhbəri və Baş nazir Keyr Starmerin təhlükəsizlik üzrə müşaviri Conatan Pauell oynayır.

Pauell Zelenskiyə bir neçə əsas məsləhət verib: prezidentin eqosunu qoruyun, mümkün qədər onu tərifləyin və təxribatdan çəkinin. Buraya həm də Trampın Ukraynaya sülh gətirmək səylərini tərifləmək və Avropanın öz müdafiəsi üçün daha çox məsuliyyət daşımalı olduğunu qəbul etmək daxildir”, - nəşr bildirib.