Türkiyə terror probleminin tamamilə aradan qaldırılması istiqamətində qətiyyətli addımlar atmağa davam edəcək.

Axar.az xəbər verir ki, bu sözləri Türkiyə Prezidenti Rəcəb Tayyib Ərdoğan Bitlis vilayətinin Ahlat rayonunda Malazgird döyüşündəki zəfərin 954-cü ildönümünə həsr olunmuş tədbirdə çıxış edərkən deyib.

Onun sözlərinə görə, bu gün “Terrorsuz Türkiyə” təşəbbüsünün həyata keçirilməsinə dair səylərin “son xəttinə” nail olunub.

“Tarix türklərin, kürdlərin və ərəblərin ortaq məqsəd naminə birləşərək əldə etdikləri qələbə və nailiyyətlərin nümunələri ilə doludur”, - deyə Ərdoğan bildirib.

Türkiyə lideri Malazgird döyüşünü “Türk xalqının hərb tarixinin ən şanlı səhifələrindən biri” adlandırıb. Ahlat türklərin bu torpaqlarda əbədi varlığının simvoludur”, - deyə o vurğulayıb.

Siyasətçi Türkiyənin parlaq gələcəyinə aparan addımların uğurlu olacağına əminliyini ifadə edib.