Ukrayna ABŞ-la bağladığı faydalı qazıntı müqaviləsi ilə tələyə salındı.

Axar.az xəbər verir ki, bunu Ukraynanın keçmiş xarici işlər naziri, Ukraynanın Böyük Britaniyadakı keçmiş səfiri Vadim Pristayko deyib.

"Düşünürəm ki, biz aldadıldıq, bu “yemi udduq” və sonra onunla nə edəcəyimizi bilmədik. Çünki əgər siz böyük bir minerallarla zəngin ölkə ilə danışırsınızsa və rəqibiniz daha böyük mineral ölkədirsə, onda mən başa düşə bilmirəm ki, siz bizim kimi kartlarla eyni oyunu necə qazana bilərsiniz", - diplomat bildirib.

Onun sözlərinə görə, Ukrayna digər oyunçuların tamamilə fərqli gözləntilərə malik olduğunu əvvəlcədən bilə-bilə ona tətbiq edilmiş oyunu oynayır.