Avropa Rusiya ilə Ukrayna arasında cəbhə xəttində 40 kilometrlik bufer zona yaratmağı təklif edir.

Axar.az xəbər verir ki, bu barədə “Politiko” məlumat yayıb.

Məlumata görə, bu, Kiyevin avropalı müttəfiqləri tərəfindən müharibədən sonrakı ssenarinin və ya Ukraynada mümkün atəşkəsin bir hissəsi kimi nəzərdən keçirilən təkliflərdən biridir:

“Eyni zamanda, zonanın dərinliyi ilə bağlı rəsmilər arasında konsensus yoxdur və Kiyevin belə bir addıma razı olub-olmayacağı da aydın deyil, çünki söhbət potensial ərazi güzəştlərindən gedir. Kreml NATO qüvvələrinin mövcudluğuna qarşı çıxmaq qərarına gəlsə, qarşıdurma qaydaları, mümkün eskalasiya ssenariləri və üçüncü ölkələrin rolu barədə də müzakirələr gedir. Xarici kontingentin əsas hissəsini çox güman ki, Fransa və Britaniya qoşunları təşkil edəcək”.