14:00

Avqustun 30-da Lvovda, Frankivski rayonunda baş verən atışmada ictimai-siyasi xadim, Ali Radanın keçmiş spikeri, 1971-ci il təvəllüdlü Andrey Parubiy öldürülüb.

Axar.az xəbər verir ki, bu barədə Ukrayna mediası yazıb.

Milli Polis şəhərdə atışma olduğunu təsdiqləyib və bildirib ki, hüquq-mühafizə orqanları ictimai-siyasi xadimin qətlinin səbəblərini müəyyənləşdirirlər.

***

İlkin ehtimala görə, Ukrayna Ali Radasının keçmiş spikeri Andrey Parubiy məşhur xidmətin kuryeri tərəfindən öldürülüb.

Ukraynalı jurnalist Vitali Qlaqola polisdəki öz mənbələrinə istinadən bildirib ki, Parubiy 8 güllə yarası alıb.

Qətl Lvovda Akademik Yefremova küçəsi 46 ünvanında baş verib. Hadisə şahidlərinin sözlərinə görə, atəş açan şəxs “Glovo” xidmət kuryeri olub, sonra o, silahı çantasında gizlədib. Hücum edən şəxs sarı elementləri olan qara dəbilqə geyinib və elektrikli velosiped sürüb.

Polis onun axtarışlarına başlayıb.