Rusiya Dəmir Yolları şirkətinin yükdaşıma həcmi minimum səviyyəyə düşüb. Sektorlar üzrə azalma neftdən tutmuş taxıla qədər, bütün strateji sahələri əhatə edir.

Axar.az xəbər verir ki, bu barədə “RBK” Ukraynanın Dezinformasiyaya qarşı Mübarizə Mərkəzinə istinadla məlumat yayıb.

Məlumata görə, 2025-ci ilin avqust ayında RDY şəbəkəsi üzrə daşınan yük həcmi 92.2 milyon ton təşkil edib. Bu, ötən ilin eyni dövrü ilə müqayisədə 5.4% azdır. İlin ilk səkkiz ayı ərzində ümumi yükdaşıma 738.8 milyon ton olub - bu isə 2024-cü illə müqayisədə 7.1% azalma deməkdir.

Ən çox zərər görən sahələr:

Tikinti materiallarının daşınması - 15% azalma

Qara metallar - 17.3% azalma

Daş kömür - 3.6% azalma

Neft - 4.9% azalma (NEZ-lərdəki təmir işlərinə görə)

Taxıl – 30.7% azalma (aşağı məhsuldarlıq və ixrac məhdudiyyətləri səbəbindən).

Bu göstəricilər Rusiya iqtisadiyyatının əsas sahələrində - tikinti, metallurgiya və aqrar sektorda geriləmənin getdiyini göstərir. Daşımaların azalması daxili tələbatın da zəiflədiyini və istehsalın ümumi tempinin düşdüyünü təsdiqləyir.

Həmçinin məlum olub ki, daşımalar azaldığı və gəlirlər kəskin şəkildə düşdüyü üçün RDY son aylarda mərkəzi və regional ofis əməkdaşlarını ödənişsiz məzuniyyətə göndərməyə məcbur olur.