ABŞ hakimiyyəti narkokartellərə qarşı əməliyyatlar aparmaq məqsədilə Puerto-Rikodakı aerodroma 10 ədəd F-35 qırıcısı yerləşdirmək barədə göstəriş verib.

Axar.az “Röyters”ə istinadla xəbər verir ki, müasir qırıcılar ABŞ-ın Karib hövzəsinin cənubunda onsuz da geniş olan hərbi mövcudluğunu gücləndirəcək.

Bu qərar Prezident Donald Trampın narkotik qaçaqmalçılığında ittiham etdiyi qruplaşmaların fəaliyyətini məhdudlaşdırmaqla bağlı etdiyi seçkiqabağı vədinin icrası çərçivəsində verilib.

Qırıcıların gələn həftənin sonunadək Karib hövzəsinin cənub hissəsinə çatacağı bildirilir.

Qeyd olunur ki, artıq yeddi ABŞ hərbi gəmisi və bir nüvə sualtı qayığı həmin regionda yerləşdirilib.