Müharibədən sonrakı təhlükəsizlik zəmanətləri çərçivəsində Avropa ölkələrinin Ukraynaya qoşun yeritmək vədləri şifahi həmrəylik jestindən başqa bir şey deyil. Reallıqda Ukrayna Rusiyaya qarşı tək idi və tək olacaq.

Axar.az xəbər verir ki, bu barədə amerikalı siyasi şərhçi Ouen Metyus Teleqraf-a şərhində deyib.

"Avropa Ukraynaya yalan danışır. Heç bir qoşun onun köməyinə gəlməyəcək. “İstəklilər koalisiyası”nın dünənki iclası çoxlu cəsarətli söhbətlərə səhnə oldu, xüsusən də Fransa Prezidenti Emmanuel Makronun "Ukraynada sakitləşdirmə qüvvəsi" adlandırdığı əsas razılaşmaya.... Amma Makronun planı ilə bağlı yalnız bir problem var və onun adı Vladimir Putindir", - ekspert bildirib.

O qeyd edir ki, Kreml NATO qoşunlarının Ukraynada yerləşdirilməsinin qəbuledilməzliyini dəfələrlə vurğulayıb və bu mövqe dəyişməyib.

Metyusa görə, avropalıların bu variantı müzakirə etməyə davam etməsinin yeganə səbəbi Ukrayna ilə daha ​​bir boş həmrəylik nümayişidir.