İsrail hakimiyyəti Halayle məhəlləsi və Qüdsün şimal-qərbindəki Beyt İqsa və Nəbi Samuel kəndlərinin sakinlərinə kəndlərinə girib-çıxmaq üçün xüsusi icazələr tətbiq edib.

Axar.az xəbər verir ki, bu barədə Fələstinin yerli mətbuatı məlumat yayıb.

Bildirilib ki, icazəsi olmayanlar bu məhəllə və kəndlərin girişində yerləşən hərbi keçid məntəqələrindən keçə bilməyəcəklər.

Məlumatda bu kəndlərin İsrailin nəzarətinə keçməsi və sakinlərin bu torpaqların sahibi deyil, sadəcə sakinləri kimi görüldüyü də vurğulanıb.

HƏMAS-ın Qüds Məsələləri İdarəsinin rəhbəri Harun Nəsrəddin isə yazılı açıqlamasında İsrailin bu addımını pisləyib. Həmçinin bunu Qüdsün təcrid edilməsi və parçalanmasının əməli şəkildə həyata keçirilməsi kimi qiymətləndirib.