ABŞ Prezidenti Donald Tramp Rusiya Prezidenti Vladimir Putindən məyusdur. Çünki hər dəfə o, Kreml rəhbərinə sülh təklifi irəli sürdükdə, Putin buna Ukrayna ərazisinə kütləvi atəşlə cavab verir.

Axar.az xəbər verir ki, bunu ABŞ-ın NATO-dakı səfiri Metyu Uitaker bildirib.

O qeyd edib ki, Ukraynaya qarşı dörd ilə yaxın davam edən genişmiqyaslı hərbi təcavüz nəticəsində Rusiya təxminən bir milyon əsgər itirib.

O qeyd edib ki, Rusiya hamını inandırmağa çalışır ki, guya o, “ayı”dır, “kağız pələng” deyil:

"Hətta ilbiz belə artıq Ukrayna-Rusiya sərhədini keçib Polşaya çata bilərdi. Amma onlar (Rusiya ordusu – red.) heç olmasa ilbiz sürəti ilə hərəkət edə bilmirlər. Sonra isə Rusiya bizi inandırmağa çalışır ki, o, “ayı”dır, “kağız pələng” deyil. Bu müharibə mənasızdır və bitməlidir".