Almaniya kansleri Fridrix Merzlə Avropa Komissiyasının sədri Ursula fon der Leyen arasında Ukrayna və AB-də səlahiyyət bölgüsü ilə bağlı gərginlik yaranıb.

Axar.az xəbər verir ki, bu barədə “Blumberq” məlumat yayıb.

Məlumata görə, Merz Brüsseldən bəzi səlahiyyətlərin milli hökumətlərə qaytarılmasını istəyib.

Agentlik qeyd edib ki, avqustda Ursula fon der Leyen Avropanın Ukraynada müharibədən sonrakı təhlükəsizlik qüvvələri çərçivəsində qoşun yerləşdirmək üçün dəqiq planlar hazırladığını demişdi. Merz isə onu təkzib edərək, belə bir planın, xüsusilə Almaniyada mövcud olmadığını bildirmişdi.

“Bu, onun səlahiyyətlərinə daxil deyil. Avropa Birliyi buna görə məsuliyyət daşımır”, - Merz vurğulayıb.

Bundan əlavə, Berlin israr edir ki, silah alışı ilə bağlı son qərar Brüsselə yox, milli hökumətlərə məxsus olmalıdır.