Gürcüstanın hüquq-mühafizə orqanları Tiflisdə iğtişaşlar zamanı prezident sarayına girməyə cəhd edən 13 nəfəri saxlayıb.

Axar.az xəbər verir ki, bu barədə Gürcüstan daxili işlər nazirinin müavini Aleksandr Daraxvelidze deyib.

“İlkin istintaq çərçivəsində hüquq-mühafizə orqanları tərəfindən cinayətin 15 iştirakçısı müəyyən edilib, onlardan 13-ü artıq saxlanılıb”, - deyə o bildirib.

Daraxvelidze həmçinin bildirib ki, hüquq-mühafizə orqanları kimliyi müəyyən edilmiş daha iki şəxsi axtarır. Cinayətin digər iştirakçılarının da müəyyənləşdirilməsi istiqamətində tədbirlər davam etdirilir.

Qeyd edək ki, 4 oktyabrda Gürcüstanda bələdiyyə seçkiləri baş tutub. Seçkilərdən sonra müxalifətin keçirdiyi aksiyalarda hökumət qüvvələri ilə toqquşma yaşanıb.