Türkiyə sosial şəbəkələrində rusiyalı oliqarx Roman Abramoviçin İstanbulda təmirdən sonra villasını əks etdirən dron videosu yayılıb.

Axar.az xəbər verir ki, bu barədə Türkiyə mediası bildirib.

Qeyd olunub ki, Üsküdar rayonunda yerləşən dəbdəbəli villa əvvəllər məşhur vaiz və təriqət lideri Adnan Oktara məxsus olub. Torpaq sahəsi 9600 m², yaşayış sahəsi təxminən 2000 m², ərazidə iki bina və böyük hovuz var. Villanın alınması ilə bağlı sövdələşmə 2023-cü ildə, Roman Abramoviç Londondan Türkiyəyə köçdükdən qısa müddət sonra baş tutub. Alış-verişdən sonra mülkdə genişmiqyaslı bərpa işlərinə başlanılıb. Yeni sahibi helikopter meydançası tikmək üçün icazə alıb. Villa İstanbulun ən prestijli və yaşıl ərazilərindən birində yerləşir, İstanbul boğazı üzərindən hər iki körpüyə baxır.