Hindistanın iki böyük neft emalı zavodu ABŞ-ın “Exxon Mobil” şirkətindən 4 milyon barrel Qayana nefti almaq üçün müqavilə imzalayıb.

Axar.az xəbər verir ki, bu barədə “Röyters” mənbələrə istinadla məlumat yayıb.

Məlumata görə, “İndian Oil Corp.” 2 milyon barrel “Golden Arrowhead” markalı xam neft alıb. Neftin nekabrın sonu və ya yanvarın əvvəlində çatdırılması gözlənilir. “Hindustan Petroleum Corp.” neft emalı zavodu da 2 milyon barrel “Liza” və “Unity Gold” nefti alıb.

Bildirilib ki, razılaşma ABŞ Prezidenti Donald Trampın Hindistan Baş naziri Narendra Modinin Rusiya neftinin alınmasını dayandıracağına söz verməsi fonunda baş tutub.

Qeyd edək ki, ABŞ Prezidenti Donald Tramp Hindistanın Baş naziri Narendra Modinin Rusiyadan neft alınmasını dayandırmağa hazır olduğunu söylədiyini demişdi.