Türkiyədə "Can Holdinq"lə bağlı ikinci əməliyyat çərçivəsində 26 nəfər saxlanılıb.

Axar.az xəbər verir ki, məlumatı Türkiyə mediası yayıb.

Əməliyyat çərçivəsində saxlanılanlar arasında diqqətçəkən isim Türkiyədə Masonlar Dərnəyinin sədri Rəmzi Sanver olub.

Qeyd edək ki, R.Sanver Masonlar Dərnəyində “Böyük ustad” hesab edilir. Dərnəyin saytında Sanver barədə bu ifadələr işlədilib:

“O, 1991-ci ildə İstanbulda “İdealist” lojasına qəbul edilib. Lojada müxtəlif vəzifələrdə çalışıb və 2003-2005-ci illərdə “İbadət ustası” kimi fəaliyyət göstərib. 2007-2009-cu illərdə “Böyük katib”, 2010-2013-cü illərdə “Böyük ustad” vəzifələrində çalışıb”.

Xatırladaq ki, Can Holdinqə qarşı aparılan araşdırmada enerji, texnologiya və davamlı istehlak malları sektorunda fəaliyyət göstərən bir çox şirkətin saxta hesab-fakturalar hesabına vergidən yayınaraq, haqsız qazanc əldə etdiyi müəyyən edilib.