Almaniya İsraillə HƏMAS arasında atəşkəs razılaşmasına əməl edilməsinə nəzarət etmək üçün Bundesverin 3 hərbçisini İsrailə göndərəcək.

Axar.az xəbər verir ki, bu barədə Almaniya Müdafiə Nazirliyi məlumat yayıb.

"Bundesverin iki zabiti və bir briqada generalı gələn həftə İsrailə gedərək vəzifələrini formada, lakin silahsız yerinə yetirəcəklər. Onlar İsrailin cənubunda Hərbi-Mülki Əlaqələndirmə Mərkəzində işləyəcəklər", - məlumatda qeyd olunub.

Qeyd edək ki, mərkəzin tikintisi davam edir və orada ümumilikdə 200-ə yaxın hərbçi olacaq. Mərkəz monitorinqlə yanaşı, Qəzza zolağına humanitar yardım tədarükünün əlaqələndirilməsi ilə məşğul olacaq.