Beynəlxalq Atom Enerjisi Agentliyi (MAQATE) yeni təklif irəli sürərsə, Tehran onunla əməkdaşlığı nəzərdən keçirməyə hazırdır.

Axar.az xəbər verir ki, bunu İran Ali Milli Təhlükəsizlik Şurasının katibi Əli Laricani deyib.

O xatırladıb ki, “snapback” mexanizmi işə salındıqdan sonra İran Qahirə sazişini etibarsız hesab edib.

Laricaninin sözlərinə görə, MAQATE-nin yeni əməkdaşlıq təşəbbüsü Ali Milli Təhlükəsizlik Şurasında dəyərləndiriləcək.

Qeyd edək ki, sentyabrın 9-da İran və MAQATE Misirdə dayandırılmış əməkdaşlığın bərpasına dair saziş imzalayıb, lakin sonradan Qərb ölkələrinin addımları fonunda münasibətlər yenidən gərginləşib.