Serbiyanın ehtiyac duyduğu qazı Rusiyadan başqa haradan alacağımızı bilmirik.

Axar.az xəbər verir ki, bu barədə Serbiya Prezidenti Aleksandr Vuçiç Avropa Birliyinin rus qazının tranzitinə mərhələli qadağa qoyması fonunda deyib.

“Bizim boru kəməri artıq Rumıniya istiqamətində işləmir. Yeni interkonnektor inşa etmək gərəkdir”, - deyə Vuçiç bildirib.

Onun fikrincə, hətta bu uğurlu alınsa belə, Belqrad 30-40 faiz yüksək xərci necə geri qaytaracağını düşünməli olacaq.

Vuçiç əlavə edib ki, hazırda Serbiya ildə 2,7 milyard kubmetr qaz istehlak edir. Onun hesablamalarına görə, gələcəkdə ölkənin üç milyard kubmetr qaza ehtiyacı olacaq.