Ermənistan Baş naziri Nikol Paşinyan erməni kilsəsini parçalaya bilər.

Axar.az Teleqraf-a istinadla xəbər verir ki, bunu Ermənistanın hakim Mülki Müqavilə Partiyasından xaric edilmiş deputat Ovik Ağazaryan deyib.

“Biz də, kilsə rəhbərləri də bilirik ki, çatışmazlıqlar var. Baş nazir bunu beş il əvvəl bilirdi, bəs niyə o zaman heç bir tədbir görülmədi? Çünki o zaman buna ehtiyac yox idi, indi isə var.

Fikrimcə, ən yaxşı halda Paşinyan kilsəni parçalamağa, diasporu yenidən bölməyə nail olacaq”, - o bildirib.

Ağazaryan həmçinin qeyd edib ki, erməni cəmiyyəti də, Nikol Paşinyan da xəstədir:

“Ola bilsin, sindromlar ona az təsir edib, çünki o, güclü bir şəxsiyyətdir”.