ABŞ Maliyyə Nazirliyi Kolumbiya Prezidenti Qustavo Petroya qarşı sanksiyalar tətbiq edib.

Axar.az xəbər verir ki, bu barədə ABŞ maliyyə naziri Skot Bessent deyib.

"Prezident Petro narkokartellərin çiçəklənməsinə icazə verdi və onların fəaliyyətlərini dayandırmaqdan imtina etdi. Bu gün Prezident Tramp ölkəmizi qorumaq üçün qətiyyətli tədbirlər görür və narkotik qaçaqmalçılığına dözməyəcəyimizi açıq şəkildə söylədi", - deyə S.Bessent bildirib.

Həmçinin, Kolumbiya prezidentinin həyat yoldaşı Veronika Qarsiya, böyük oğlu Nikolas Petro və Kolumbiya daxili işlər naziri Armando Benedettiyə də məhdudiyyətlər tətbiq edilib.