Rusiyaya qarşı tətbiq edilən yeni ABŞ sanksiyaları Moskva-Vaşinqton münasibətlərinin bərpasını çətinləşdirir, lakin bu, əlaqələrin qurulması ideyasından imtina etmək üçün bir səbəb deyil.

Axar.az xəbər verir ki, bunu Rusiya prezidentinin mətbuat katibi Dmitri Peskov deyib.

"ABŞ prezidentinin səsləndirdiyi müxtəlif nüanslara baxmayaraq, biz yenə də maraqlarımıza diqqət yetirməliyik. Əlbəttə ki, bu həftə görülən tədbirlər qeyri-dostcasına bir addım idi. Onlar münasibətlərimizin dirçəldilməsi perspektivlərinə həqiqətən də xələl gətirdi. Lakin bu o demək deyil ki, biz bu istəklərimizdən əl çəkməliyik. Biz özümüz üçün faydalı olanı etməliyik", - Kremlin sözçüsü bildirib.

Qeyd edək ki, ABŞ "Rosneft" və "Lukoyl" şirkətlərinin 30-dan çox törəmə şirkətinə sanksiyalar tətbiq edib.