Rusiyanın Baltik dənizində 1994-cü ildə batan “Estoniya” bərəsinin yaxınlığında gizli sualtı baza qurduğu iddia olunur. Məqsədin NATO ölkələrinin dəniz qüvvələrinin fəaliyyətini izləmək olduğu bildirilir.

Axar.az Teleqraf-a istinadən xəbər verir ki, bu barədə WDR, NDR və "Süddeutsche Zeitung" nəşrlərinin birgə araşdırmasında qeyd olunur.

Araşdırmaya əsasən, Rusiya kəşfiyyat xidmətləri hadisə yerində sualtı cihazlar yerləşdirib. Bu qurğular sualtı dronları və robotları idarə etməyə, həmçinin NATO gəmilərinin və sualtı qayıqlarının səs siqnallarını toplamağa imkan verir.

Məlumata görə, bu fəaliyyətlərə Rusiyanın Dərin Sular üzrə Baş İdarəsi rəhbərlik edir. İdarə Müdafiə Nazirliyinə tabe olan gizli bölmədir və onun ixtiyarında xüsusi təyinatlı gəmilər, mini-sualtı qayıqlar və dronlar var.

Hesabatda o da qeyd olunur ki, Rusiya illərdir sualtı izləmə texnologiyalarını Qərb şirkətlərindən vasitəçilər vasitəsilə alır, bu şirkətlərin bir qismi Kiprdə qeydiyyatdan keçib.

Qeyd edək ki, “Estoniya” bərəsi 1994-cü ildə Tallindən Stokholma gedərkən fırtına nəticəsində batıb. Qəza zamanı 852 nəfər həlak olub, hadisədən sonra Finlandiya, Estoniya və Almaniya ərazidə araşdırma aparmağa qadağa qoyub.