Zaporojye vilayətinin şərq hissəsində vəziyyət mürəkkəb olaraq qalır. Düşmənin Zaporojyeyə çata biləcəyi ehtimalı var.

Axar.az xəbər verir ki, bunu XXI Strategiya Qlobal Araşdırmalar Mərkəzinin təhlükəsizlik proqramlarının rəhbəri Pavel Lakiyçuk deyib.

“Biz hamımız cənubdan hücum gözləyirdik. Amma sonradan məlum oldu ki, Donetsk–Zaporojye yolu boyunca irəliləmə strateji xarakter daşıyır. Rusiya qoşunları Donetsk–Zaporojye yolu yaxınlığında yerləşir və ondan cənub istiqamətində qərbə doğru hərəkət edir. Hələlik bu yol üzərində nəzarətin düşmən üçün yekun məqsəd olub-olmadığını demək çətindir.

Əgər bu temp belə davam edərsə, müəyyən vaxtdan sonra onlar,ə Zaporojyeyə çata bilərlər”, – ekspert xəbərdarlıq edib.