Hərbi baxımdan planlaşdırma və təşkilati nöqteyi-nəzərindən ən çətin tapşırıq planlı şəkildə qoşunların geri çəkilməsidir.

Axar.az xəbər verir ki, bu fikri ukraynalı hərbi ekspert Aleksey Getman Pokrovskdan ordunun mümkün geri çəkilməsini şərh edərkən bildirib.

“Bu, istənilən hücum və ya müdafiə əməliyyatını planlaşdırmaqdan daha çətindir. Bu, ən mürəkkəb təşkilati tapşırıqdır. Və artıq hazırlanıb — döyüş əmri hazırdır. Əgər elə bir vaxt gələcəksə ki, Pokrovskdan geri çəkilmək lazım olacaq, onda sadəcə bir komanda kifayət edəcək. Geri çəkilmək zəruri olacaqsa — qərar artıq var, döyüş əmrləri komandirlərin “cibindədir”. Sadəcə icra əmri hələ verilməyib”, — deyə Getman qeyd edib.