Türkiyədə Yeni Yol Partiyası İmralıya (PKK lideri Abdullah Öcalanla görüş – red.) gedəcək nümayəndə heyətinə üzv verməyəcəklərini açıqlayıb.

Axar.az xəbər verir ki, bu barədə Türkiyə mediası məlumat yayıb.

Qeyd edək ki, dünən Milli Həmrəylik, Qardaşlıq və Demokratiya Komissiyası İmralı məsələsini müzakirə etmək üçün toplanıb. İclasda hakim AKP, MHP və DEM partiyalarında səs itkisi olmayıb. Əmək Partiyası (EMEP) və Türkiyə İşçi Partiyası (TİP) lehinə, Demokrat Partiyası (DP) və Demokratik Sol Partiyası (DSP) isə əleyhinə səs verib. Yeni Yol Partiyası bitərəf qalıb. Eyni zamanda, müxalif CHP də səsverməyə qatılmayıb və İmralıya partiya üzvü göndərməyəcəyini bildirib.

Əlavə edək ki, İmralı adasına səfərin yaxın günlərdə baş tutacağı gözlənilir. Partiyalar sabah parlamentin sədrinə hansı üzvlərin qatılacağı barədə məlumat verəcəklər. Səfər üçün icazə isə Türkiyə Ədliyyə Nazirliyindən alınacaq.