Ağ Ev yaxınlığında baş verən atışmanı törədənlər Əfqanıstandan gəlib.

Axar.az xəbər verir ki, bunu ABŞ Prezidenti Donald Tramp deyib.

Tramp Əfqanıstanı yer üzündəki cəhənnəm deşiyi adlandırıb:

“Bu dəhşətli hücum şər, nifrət və terrorizmin ifadəsi idi. Bu, bütün millətimizə qarşı törədilmiş cinayətdir. Bu, insanlığa qarşı cinayətdir”.

Tramp onların sərt cəzalandırılmasında qərarlı olduğunu vurğulayıb.

Qeyd edək ki, ötən gecə Ağ Ev yaxınlığında silahlı atışma baş verib. Atışma nəticəsində ABŞ Milli Qvardiyasının iki hərbçisi və şübhəli şəxs xəsarət alıb. Hər üç şəxs xəstəxanaya yerləşdirilib.

Atışmada güllə xəsarətləri alan Milli Qvardiyanın hər iki hərbçisi xəstəxanada ölüb.