Rusiyanın Avropadakı dondurulmuş aktivlərinin gələcək taleyi ilə bağlı Miladdan əvvəl keçiriləcək növbəti AB sammitinə qədər kompromis əldə oluna bilər.

Axar.az xəbər verir ki, bu sözləri Fransa Prezidenti Emmanuel Makron Parisdə ukraynalı həmkarı Vladimir Zelenski ilə danışıqlardan sonra keçirilən mətbuat konfransında deyib.

"Bizə ünvanlanan bütün qanuni suallara texniki cəhətdən cavab verməyə imkan verəcək bir həll tapacağıq. Məqsəd AB Şurasının növbəti iclasına qədər bunu başa çatdırmaqdır və Avropa Komissiyasının yaxın bir neçə gün ərzində qərarlarını açıqlayacağı gözlənilir", - Makron söyləyib.