2025.12.14. 13:17

Avstraliyanın Sidney şəhərindəki Bonday çimərliyində keçirilən Hanuka yəhudi bayramında atışma baş verib.

Axar.az xəbər verir ki, bu barədə Avstraliya mətbuatı yayıb.

Atışma nəticəsində 10 nəfər ölüb, 60-dan çox insan yaralanıb.

Atəş açan iki nəfərin saxlanıldığı bildirilir.

Sidney polisinin verdiyi məlumata görə, hücum bir neçə ay əvvəldən planlaşdırılıbmış.

***

Sidneydə (Yeni Cənubi Uels ştatı) Bondi çimərliyində baş verən atışmada həlak olanların sayı 12-yə çatıb.

***

Avstraliyanın Yeni Cənubi Uels ştatının polisi Sidneydə çimərlikdə insanlara atəş açan şəxslərdən birinin kimliyini müəyyən edib.

Bu barədə ABC telekanalı mənbələrə istinadla xəbər verir.

Məlumata görə, silahlı şəxslərdən biri Narvid Akramdır. O, Sidneynin cənub-qərbində yerləşən Bonni­rig rayonunda yaşayır. Hazırda hüquq-mühafizə orqanları hücumla bağlı istintaq çərçivəsində onun evində axtarış aparır.

***

Sidneydə törədilən terror aktında ölənlərin sayı 16 nəfərə çatıb.

Bu barədə Yeni Cənubi Uels ştatının səhiyyə naziri Rayan Park açıqlama verib.

***

Baş verən terror aktı ilə bağlı yeni təfərrüat məlum olub.

"Deyli Meyl" yazır ki, terror aktının icraçıları ata və oğuldur.

Belə ki, oğul 24 yaşlı Narvid Akramdır. O, polis tərəfindən güllələnərək ağır vəziyyətdə xəstəxanaya yerləşdirilib və nəzarət altındadır. Onun 50 yaşlı atası isə öldürülüb.

Hadisədə üçüncü hücumçu olmayıb.

Ata rəsmi olaraq silah lisenziyasına malik olub və ona məxsus altı odlu silah hadisə yerində və sonradan aparılan axtarışlar zamanı götürülüb. Hazırda ballistik və məhkəmə-tibbi ekspertizalar aparılır.