Ukraynanın maliyyələşdirilməsi məsələsi bu gün mütləq həll olunacaq.

Axar.az xəbər verir ki, bunu Avropa Komissiyasının rəhbəri Ursula fon der Leyen AB sammitindən əvvəl deyib.

“Avropa Şurasının bu sammiti həlledici məqamda keçirilir. Bizim bir əsas məqsədimiz var: Ukrayna üçün gücə və davamlılığa əsaslanan sülhə nail olmaq. Buna nail olmaq üçün Ukraynanın növbəti iki il - 2026 və 2027-ci illər üçün zəmanətli maliyyələşdirməyə ehtiyacı var.

Əhəmiyyətli odur ki, Avropa Şurası son iclasında Ukraynanın bu iki il ərzində maliyyə çatışmazlığını aradan qaldırmağı öhdəsinə götürdü. Öz hesablamalarımıza, eləcə də Beynəlxalq Valyuta Fondunun hesablamalarına əsasən, söhbət 137 milyard avrodan gedir. Biz bu məbləğin üçdə ikisini, yəni təxminən 90 milyard avronu ödəməyə razılaşdıq.

Müzakirələr gərgin keçəcək. Mənim üçün ən önəmlisi odur ki, bu danışıqlar nəticəsində Ukraynanın növbəti iki il üçün maliyyələşdirilməsi etibarlı şəkildə təmin edilsin”, - Leyen bildirib.