Ukraynanın Rusiya lideri Vladimir Putinin Valdaydakı iqamətgahına hücum edib-etmədiyi hələlik aydın deyil.

Axar.az xəbər verir ki, bunu ABŞ-ın NATO-dakı daimi nümayəndəsi Metyu Uitaker deyib.

"Ukrayna sülh sazişi əldə etmək istəyir. Sülh sazişinə bu qədər yaxın olmaq ərəfəsində belə bir hücumun olması inandırıcı deyil. ABŞ Prezidenti Donald Tramp əvvəllər Ukraynanın Putinin iqamətgahına hücum etdiyinə şübhə ilə yanaşmışdı. O, sülh danışıqları zamanı belə bir addımın çox təxribatçı olacağını vurğulayıb", - deyə o bildirib.

Uitaker həmçinin qeyd edib ki, müharibəyə son qoymaq üçün bütün diplomatik səylərə baxmayaraq, Rusiya Ukraynaya hücumlarını dayandırmayıb:

"Rusiya hər gün Ukraynaya raket zərbələri endirir. Düşünürəm ki, hər iki tərəf müharibəyə son qoymaq istəyir, sadəcə şərtlər fərqlidir"

ABŞ-ın NATO-dakı daimi nümayəndəsi həmçinin ərazi məsələlərinin həll prosesində ən çətin məsələlərdən biri olaraq qaldığını vurğulayıb.

Qeyd edək ki, Rusiya tərəfi Prezident Putinin Novqoroddakı iqamətgahına Ukraynanın dekabrın 28-dən 29-na keçən gecə 91 PUA ilə hücum etdiyini açıqlayıb. Ukrayna bu iddianə rədd edib.