Avropa Birliyi İran xalqının daha yaxşı həyat, azadlıq və ləyaqət üçün qanuni yollarla mübarizə aparmaq haqqını dəstəkləyir.

Axar.az xəbər verir ki, bu barədə Avropa Birliyinin baş diplomatı Kaya Kallas bildirib.

O qeyd edib ki, Avropa Birliyi hadisələri diqqətlə izləyir və qurbanlar barədə xəbərlərin yayılmasından dərin narahatlıq keçirir.

Kallas etirazçılara qarşı zorakılıq, qanunsuz həbs və qorxutma taktikalarını qətiyyətlə pisləyib.

Onun sözlərinə görə, İran beynəlxalq öhdəliklərinə sadiq olmalı, fikir ifadəsi, birləşmək, dinc nümayiş keçirmək və internetlə informasiya əldə etmək hüquqlarına hörmət göstərməlidir.