Rusiya rəhbəri Vladimir Putin Venesuela lideri Nikolas Maduro kimi ələ keçirilərək ədalət mühakiməsinə təhvil verilməyə layiqdir.

Axar.az xəbər verir ki, bu açıqlama ilə Böyük Britaniyanın müdafiə naziri Con Hili çıxış edib.

“Mən Putini həbs edər, onu hərbi cinayətlərə görə məsuliyyətə cəlb edərdim — Ukraynaya ilk səfərlərimdən birində Buçada gördüklərimə görə və İrpendə görüşdüyüm, oğurlanmış bəzi ukraynalı uşaqlara görə...” – deyə Hili bildirib.

Qeyd edək ki, ABŞ ordusu 3 yanvarda Karakasa zərbələr endirib, xüsusi təyinatlılar isə Prezident Maduronu ələ keçirərək, ABŞ-a aparıb. Daha sonra o, Nyu Yorkda məhkəmə qarşısına çıxarılıb.