İsrail mart ayında Qəzza şəhərində yeni hərbi əməliyyat keçirməyi planlaşdırır, lakin bunun üçün ABŞ Prezidenti Donald Trampın razılığı tələb olunacaq.

Axar.az xəbər verir ki, bu barədə “Tayms of İsrail” nəşri mənbələrə istinadla məlumat yayıb.

Məlumata görə, İsrail ordusu mart ayında Qəzzada yenidən intensiv hərbi əməliyyatlara başlamaq üçün planlar hazırlayıb. Bu plan çərçivəsində məqsəd “Sarı xətt” adlanan demarkasiya xəttini anklavın sahilinə doğru çəkmək və bununla da İsrailin ərazi üzərində nəzarətini daha da genişləndirməkdir.

Ərəb diplomat isə nəşrə verdiyi açıqlamasında bildirib ki, bu əməliyyat ABŞ-ın dəstəyi olmadan həyata keçirilə bilməz:

“ABŞ hazırda oktyabr ayında əldə olunmuş kövrək atəşkəsi HAMAS-ın tərk-silah edilməsini də əhatə edən ikinci mərhələyə keçirmək üçün səylər göstərir”.