Ukraynada genişmiqyaslı müharibə başlayandan bəri dünyanın bir çox ölkəsi pilotsuz texnologiyaların istənilən digər silahlı münaqişənin gələcəyinə çevrilə biləcəyindən əmindir. Bununla belə, pilotsuz təyyarələrin ən azı yaxın gələcəkdə döyüş meydanında piyadaları tamamilə əvəz edəcəyi ilə hamı razılaşmır.

Axar.az xəbər verir ki, bu barədə "Biznes İnsayder" məlumat yayıb.

Britaniyalı polkovnik-leytenant Ben İrvin Klark nəşrə bildirib ki, pilotsuz təyyarə texnologiyası daha geniş yayılsa belə, piyadaların işinin böyük hissəsi dəyişməz qalacaq:

"Piyadanın işinin 80%-i Napoleon dövründəki kimi qalacaq. Yaxşı fiziki formada olmalısınız. Güclü və dözümlü olmalısınız. Xəndək qazmağı bacarmaq lazımdır. Bu dəyişməyib. Bunun tezliklə dəyişəcəyinə şübhə edirəm".