Fevralın 7-də keçmiş SSRİ-nin ən nüfuzlu qanuni oğrusu Tamaz Kipiani Kutaisidə dəfn edilib.

Axar.az xəbər verir ki, bu barədə “PraymKraym” nəşri məlumat yayıb.

“İnsanlar mərhumun cəsədinin olduğu tabutu şəhərin küçələrindən keçirərək qəbiristanlığa aparıb. Respublikada oğru ideologiyasının nümayəndələrinə qarşı davam edən mübarizəyə baxmayaraq, onu son səfərinə yola salmaq üçün onlarla insan gəlib”, - məlumatda qeyd olunub.

Qeyd edək ki, Tamaz Kipiani 2026-cı ilin yanvarın 30-da Rusiyanın Kuban şəhərində vəfat edib.

Tamaz Kipiani SSRİ-nin ən məşhur qanuni oğrusu hesab olunub. O, ilk dəfə 22 yaşında “taclandırılıb”.