Qum dini seminariyasında təhsil alan xarici vətəndaşların iranlı qadınlarla siğəsindən dünyaya gələn 8 minə yaxın uşaq müəyyən edilib.

Axar.az xəbər verir ki, bu barədə əyalət valisinin müavini Mürtəza Heydəri məlumat verib.

“Qumda əcnəbi kişilərlə iranlı qadınlar arasında müvəqqəti nikahdan dünyaya gələn və doğum haqqında şəhadətnaməsi olmayan 7863 uşaq müəyyən edilib. Bu problemi həll etmək üçün 1200 məhkəmə işi açılıb, ancaq indiyə qədər ataları müəyyən edilə bilmədiyi üçün bu uşaqlardan yalnız 100-nə doğum haqqında şəhadətnaməsi verilib”, - o bildirib.

Heydərinin sözlərinə görə, bu uşaqların ataları dünyanın 11 müxtəlif müsəlman ölkəsindən olan və Qumda dini təhsil alan tələbələrdir.