ABŞ-ın Belçikadakı səfiri Bill Uayt X-də Krallığı antisemitizmdə ittiham edən yazısına görə Xarici İşlər Nazirliyinə çağırılıb.

Axar.az xəbər verir ki, bu barədə Belçikanın xarici işlər naziri Maksim Prevost sosial mediada yazıb.

O, krallığın antisemit dövlət olması ilə bağlı istənilən iddianın yalan, təhqiramiz və qəbuledilməz olduğunu söylədi.

Nazir yazıb ki, Belçika bütün tərəfdaşları ilə dialoqa açıqdır: "Lakin demokratik təsisatlarımıza hər hansı müdaxilə və hər hansı əsassız ittiham keçilə bilməyən bir həddi aşır. Suverenliyə hörmət vacibdir".

Uaytın bu açıqlamasına səbəb Belçikada yəhudilərin sünnət edilməsinə qarşı atdığı addımlar olub.